उम्मेदवारज्यू‚ नमस्कार ।
ज्यानलाई आराम छ । सद्दे भए भोट हाल्न पनि आउँला । पहिलेको संविधान सभा पनि गर्भमै तुहियो । त्यससँगै तपाईँ‚ तपाईँका टाउकेहरु‚ तपाईँका पार्टिहरु सबै तुहिए । फेरि पनि मंसिर ४ गते तामझामपूर्ण रुपले त्यसको गर्भदान हुँदैछ । यसर्थ यस पटक तपाईँका उपलब्धी देखिउन् र गर्भमै नतुहियोस् भनी तपाईँले चुनाउ जितेर सभासद बनिहाले के के गर्ने र के के
नगर्ने भनी सुझाव दिन मन लागेको छ ।
शिक्षित‚ विद्वान‚ बुद्धिमान‚ कुटनीतिक ज्ञाता तथा राजनीतिक बुझाई धेरै भएमा यहाँले नै बाँकी सोच विचारहरु भर्नुहोस् । मेरा सुझाव भने यस्ता छन्ः
- जनताले ठूलो आश गरी दिएका मत खेर नजाओस् । त्यसको सम्मान गर्न सिक्नोस् ।
- संविधान सभा हलमा लगाएको कपडा च्यातेर आफ्नै बेइज्जत नगर्नोस् ।
- सभासद र मन्त्री भएपछि अस्पतालमा जाँड धोकेर
नधम्क्याउनोस् ।
