समाचारकै अपरेसन-२

हेटौंडा खबर डट कमबाट साभार समाचार (समाचारमा भएका गल्तीहरु)

 

* शुरुको समाचारमा"एराती" भएकोः हुनुपर्ने गएराती

* सोही समाचारमा भारतिय र भारतीएमै पनि फरकपन छ । सम्पादन हुनुपर्छ । नेपाली भाषा सुधारमा पत्रकारको भूमिका उल्लेखनीय हुनुपर्छ । भाषिक शुद्धाशुद्धिसम्बन्धी पत्रिकाको गल्तीलाई सामान्य मान्नु हुँदैन ।

* यस्तै अर्को समाचारमा अटो चालक सुजन ढकाल, नाम नखुलेका.... लेखिएको छ । अघिल्लो समाचारमा नाम नखुलेका भनिएका उनैको नाम सुजन ढकाल भनेर खुलाइसकेपछि कपि पेस्टलाई ध्यान नदिँदा यस्तो हुन भएको होला ।  के हो यस्तोः  "नाम नखुलेका सुजन ढकाल...... " त्यो पनि प्रहरीले जानकारी दिएका अरे । शायद गल्ती प्रहरीबाट हैन समाचारदाताबाट भएको हुनुपर्छ ।

* अन्तिमको समाचारमा भएको रजित सुर्खेति तर हुनुपर्नेः रञ्जित सुवेदी

पखाला लाउने भाषण

कोइलीले गीत गाइरह्यो,

किसानले खेति धाइरह्यो,

भाषण मात्रै के सुनेथेँ नेताको,

दिनभरि पखाला लाइरह्यो ।

महामारी गाउँमा आइरह्यो,

काग पनि खुबै कराइरह्यो,

बिजुली ल्याउँछु भनेदेखिन् नेताले,

दिनरातै औँशी छाइरह्यो ।

विदेशी डोनेसन खाइरह्यो,

भत्ता नि थपेर पाइरह्यो,

शहरमा दिनदिनै फेर्नेले,

गाउँ आउँदा थोत्रै कोट लाइरह्यो ।

आउटडेटेड नारा बजाइरह्यो,

हारेर पनि जित्ने ऊ सत्तामा फेरि छाइरह्यो,

गाउँ नआउनु, पूरानै भाषणले अहिलेसम्म,

गाउँलेलाई पखालाले सताइरह्यो ।

प्रकृतिका ईञ्जिनीयर

संसारमा अचम्मका ईञ्जिनीयरिङ संरचनाहरू बनेका छन् । प्राविधिक गडबडीले ठूलो धनजनको क्षति पुगेका घटनाहरू पनि प्रशस्तै छन् ।

यहाँ भने मानव निर्मित नभएर प्रकृतिका इञ्जिनियर बारे चर्चा गरिएको छ ।

ब्लगर संप्रस पौडेलको आफ्नै घरबारी (मनहरी गाउँपालिका-५, मकवानपुर) मा रहेको नरिवलको बोटमा केही गुँडहरू रहेका छन् । यी चराका गुँड हुन् । जाबो चराको गुँडको के चर्चा भन्ने कुरा पनि आउला । यसलाई यहाँ प्रष्ट पारिएको छ:
भँगेरा जत्रै आकार र वजनका तोपचराले वर्षाअगावै नयाँ गुँडहरू बनाएका हुन् । यी गुँडहरू लामा आकारका छन् । यस्तै गुँडहरू पातमा झुण्ड्याइएका छन् । यहाँ बनेका सबै गुँडमा सिरू (धान जस्तै घाँस) जस्ता झारहरूबाट बनेका छन् । यी गुँडमा छिर्नका लागि तल जमिनपट्टीको भागबाट ढोका राखिएको हुन्छ । प्रत्येक गुँडभित्र कोठाहरू रहेका हुन्छन् । यस्तै अन्य चराभन्दा यसको विशेषता के भने तोपचराले राती उज्यालोको लागि जुनकिरीलाई भित्रै राख्ने गरेको छ ।
अजीवको गुँड, गुँडभित्र कोठाहरू, पातमा झुण्ड्याइएका र बुनिएका गुँड, उज्यालोका लागि जुनकीरी राखिने र धेरै समूहले एकै रूखमा गुँड बनाउँने हुँदा यस चरालाई प्रकृतिका ईञ्जिनियर भन्ने उपमा दिन मन लाग्यो ।
यी विषयवस्तु तपाईँलाई कस्तो लाग्यो? लेख्न नभूल्नु ल !
- संप्रस पौडेल 'दिवस'

बकम्फुसे पत्रुकारिताका केही उदाहरणहरु

हेटाैडा खबरकाे एउटा समाचार

घरमै बसेर अरुका सामाजिक सञ्जालका पोष्ट साभार गरी समाचार बनाउँदाको परिणामः
यसलाई मैले बकम्फुसे पत्रुकारिताको उपमा दिएको छु ।
उदाहरण १

जानकारीः निर्दोष मानिसलाई सिरिन्ज आक्रमणको आरोप लगाउँदाको परिणामस्वरुप शिक्षक खगेन्द्र पाठकले स्थानीयको कुटाई खाँदै प्रहरीसम्म पुग्नुपर्‍यो । आरोप प्रमाणित नहुँदासम्म कोही पनि अपराधी हुँदैनन् तर हाम्रा पत्रिकाले हतारमै उनलाई अपराधी बनाइदिए ।
--------------
बिबिसीकाे एउटा समाचार

हालखबर