मन्त्रालय र संबिधान ; बेमौसमी गाइजात्रा

( संप्रस पौडेल दिवस)

तपाइलाई जस्तै मलाई पनि बडो चिन्ता लागेको छ क्या हजुर, पार्टीको पदले मात्र हुन्छ र ? नेता हुन पाए के के न गर्छु भन्ने चिन्ता कार्यकर्तालाइ, सभासद हुन पाए हुन्थ्यो भन्ने चिन्ता नेताहरुलाइ, मन्त्री हुन पाए त भन्ने चिन्ता सभासदलाइ, माल आउने मन्त्रालय नपाए के मन्त्री हुनु भन्ने पिर मन्त्री हुनेवालालाइ। मन्त्री त भइयो, फेरी उपप्रधानमन्त्री हुन पाए हुन्थ्यो भन्ने चिन्ता मन्त्रीलाइ, मन्त्रीको जागिर फुस्केको भोलिपल्टबाट प्रधान्मन्त्री हुन पाए के के न लछारुंला भन्ने चिन्ता भुतपूर्व मन्त्रीलाइ । कालले थुतेर लाने बेलामा पनि कुर्सिको चिन्ताले कहिल्यै नछोडेपछि नेपाली नेताहरुलाइ माथि लानु अघि कालले पनि एकचोटि स्वर्ग, नर्कमा मिटिङ् राखेर ल्याउ कि नल्याउ भनी सोध्छ रे । सरकारैपिच्छे देशमा नयां नयां मन्त्रालय बन्दैछन्स् शान्ति मन्त्रालय बनेको यत्रो बर्ष भयो, झन अशान्ति छाएको छायै छ । पदको लागि सधै किचलो भएको छ । अब मन्त्री हुन राजनीति गर्ने  नेताहरुलाइ यसरी मन्त्री पद र मन्त्रालय विभाजन गरे संविधान पनि चाडै बन्ने थियो कि ? नयां मन्त्रालयको लागि मेरो सुझाव :

१) साल सिसौ फांडी वनमारा लगाउनेलाइ वन मन्त्रालय
२) बन्दुक चलाउंदा चलाउदै टिकट पाइ राजनीतिमा छिराइएकालाइ गृह मन्त्रालय
३) बाख्रा चोर्ने र गैंडा मार्नेलाइ जिवजन्तु जोगाउ मन्त्रालय
४) ५ कक्षा पढेको बिद्वानलाइ शिक्षा मन्त्रालय
५) लुरे र जोइटिङ्रेलाइ रक्षा मन्त्रालय
७) अन्य चाहि साविककै मन्त्रालय हुनेछन् ।
बांकीलाइ ;
क) कमिशन मन्त्रालय
ख) आलिशन मन्त्रालय
ग) मिशन मन्त्रालय
घ) रासन मन्त्रालय स् पुलिस र सेनाको बेग्लै
ङ) कर्णाली रासन तथा भाषण मन्त्रालय
च) १ शताब्दिपछिको मेची टू महाकाली रेल योजना मन्त्रालय
छ) काठमाण्डु-मेलम्ची(९,जम्मा ४२ किमि) पिउने पानीको लागि छुट्टै काठमाण्डु काकाकुल मन्त्रालय

यति गर्दा नि भाग नपुगे :
क) जुठेल्ना मन्त्रालय
ख) शौचालय मन्त्रालय
ग) पिंढि तथा आंगन सरसफाइ मन्त्रलय
घ) मझेरी तथा ताप्के कराइ मन्त्रालय
ङ) पेट्रोल, डिजेल र मट्टितेललाइ छुट्यार तीन वटा मन्त्रालय उमार्न सकिन्छ ।
च) लाखौंको चियापान हुने हुंदा चियापान मन्त्रालय
छ) ठूला भन्नेको खुट्टा मोलेर राजनीति शुरु गरेकोलाइ झोले मन्त्रालय
ज) हिजो खोले खाएर राजनीति गरेको आज देशको माननिय भएकोलाइ खोले मन्त्रालय
झ) हिजो लोकल ठर्रा, आज विदेशी रक्सि खाने बानी परेकोलाइ एल। टी। मन्त्रालय
ञ) धाराको टुटी मन्त्रालय
ट) धाराको पाइप मन्त्रालय
ठ) खानेपानी मन्त्रालय
ड) पिउनेपानी मन्त्रालय
ढ) पिच बाटो टालटूल मन्त्रालय
ण) चटपटे बेच्दा बेच्दै नेता हुनेलाइ चटपटे मन्त्रालय
त) हिमालमा चौंरी भेडा पालेर नेता हुनेलाइ भेडा मन्त्रालय
थ) पहाडमा मास, मुसुरो, चना बेच्दा बेच्दै नेता हुनेलाइ गेडा मन्त्रालय
द) तराइमा मिठाइ बेच्दा बेच्दै नेता हुनेलाइ पेडा मन्त्रालय
ध) १०० बर्षपछि नेपालमै विमान उत्पादन गर्नको लागि विमान मन्त्रालय
न) इमान, धर्म, नैतिकता हुने नेता जतीलाइ इमान मन्त्रालय
देशको संविधानमा नलेखि नहुने मन्त्रालयहरु हुन् यी । माथीका बुंदाहरुमा सहमति गर्न दिल्लि, पाकिस्तान, पेरिस डांडां, बल्खु, महराजगन्ज र सिंहदरबार वा स्याल दरबार कतै नगै सिधै सहमती हुने आशा गरिएको छ । यतीका मन्त्रालयको निर्माणपछि हाम्रा नातीको पालामा त कसो नबन्ला र संबिधान ?  आज त रिलिज हुँदैछ हाम्रो संविधान बनाउनेहरुको बेमौसमी गाइजात्रा । । सबैलाइ चेतना भया । अस्तु ।