देशभक्ति चिया

प्रचण्डलाई ठीक पार्ने भेनेजुएलाको झाँक्री

हास्यव्यंग्य लेख

–संप्रस पौडेल

प्रचण्ड परिचय

मिटिङ, भेटघाट, रिबन कटाईदेखि रुमाल लुकाईसम्मका इनडोर, आउटडोर खेलकूद सकेर घरमा पुगेका प्रचण्ड । वैद्य बाले उहिल्यै आश मारेका प्रचण्ड, मुना–मदनझैं रहेकामा बाबुरामले पर्सबाट फोटो निकालेर फालेका प्रचण्ड, विप्लवले दादागिरी देखाउँदै चोरी औंला ठड्याउँदै थर्किएका प्रचण्ड । त्यहीमाथि माओवादको रापले पिल्सिएर पनि डढिसकेका पाप्रो बनेका प्रचण्ड ।

प्रसंग यहाँबाट शुरु हुन्छ,

आजकल प्रचण्डलाई उतिसारो निद्रा लाग्दैन । त्यसो त उनलाई द्वन्द्वकाल र पछि पनि निदै्र पो कहिले लाग्यो र ?

रातको मध्य प्रहरसम्म निद्रा नपरेपछि एक गिलास पानी पिएर निदाउ“न पुग्छन् । सपना देख्छन्, सपनामा रेखा थापाहरु कम्मर हल्लाई हल्लाई नाचेको देख्छन् । आपूm पनि कुम मर्काई मर्काई नाच्छन् । रेखा थापा भन्छिन् “सीता दिदीलाई कस्तो छ ?”, प्रचण्ड भन्छन्, “नाच नाच, हालखबर पछि भन्दै गरौंला । आपूmलाई खुब मुड आइराछ ।”.......

एकछिनमा प्रचण्ड चर्का स्वरले भत्भताउन थाल्छन् । प्रचण्ड पत्नी उठेर झक्झकाउनु हुन्छ, कान निमोठ्नुहुन्छ । धेरै समयपछि निद्रामा परेका उनी पैतालामा काउकुति लाएपछि असिनपसिन हुँदै बिउँझन्छन् । प्रचण्ड पत्नी सोध्नुहुन्छ, “किन नराम्रो सपना देख्नुभो ?” आफूलाई चिमोट्दै उनी भन्छन्, “हैन रेखा थापालाई देखेँ ।” प्रचण्ड पत्नी भन्नुहुन्छ, “फेरि नाचेर भाइरल हुन लाग्यौ कि क्या हो बुढेसकालमा, कत्ति पात्तेका हौ?” प्रचण्ड भन्नुहुन्छ, “त्यसो होइन क्या, रेखाले मलाई के भनिन् सुन्छौ ?” “के भनिन् त?” “भेना भनिन् ।” “के भन्नुपर्थ्यो त ?” प्रचण्ड पत्नी मुख छोप्दै हाँस्दै भन्नुहुन्छ, “भेनेजुएलाको विज्ञप्तीले तर्साको बुढो, भेना शब्द सुन्दा तर्सिन्छ भनेको यही हो ।”

अब प्रचण्डलाई ठीक गर्ने झाँक्री खोज्न भेनेजुएला नै जानुपर्ने भो कि !

प्रचण्ड पत्नी हाँसिरहन्छन्, प्रचण्ड यसैमा मख्ख पर्छन् ।

साथीलाई पत्र: देशाँ कुकुरको नि भाउ बढ्यो

सन्दिपजङ्ग कार्की, मेरा अनन्य मीत्र । विदेशबाट नेपाल आउँदै रहेछन् ।
यही सम्बन्धमा फेसबुकमा लेखे:

लाख कमौने म “लुट्न सके लूट कान्छा” बोलको गीत सुनेर देश फर्किँदै छु ।

-------
उनै साथीलाई मेरो जवाफ:
स्वागत छ, देशाँ धेरै चेन्ज आयो साथी, तीमध्ये दुईचारोटा उदाहरण यी हुन् :-
* देशाँ लुट बन्द भैसक्यो:
पशुपति शर्माले गीत अपलोड गर्दा चोरैचोर थिए, ती सबै गीत हटाइसकेपछि सँगै हटिसके ।
* पहिले पहिले बाटामा हिँडेको भुस्याहा कुकुरलाई अब 'वरीष्ठ कुकुरज्यू' भन्नुपर्ने भैसक्यो ।
* यमराजको शासन च्यूत गराई रावणलाई जिम्मा दिइएको छ ।
* तिमी विदेश जाँदा चोकचोकमा भुक्ने कुकुर म्याउँ गर्न थालिसके ।
* अब कुकुरलाई नभूक् भन्न पाइँदैन, नभुक्नुहोस् भन्नुपर्छ ।
* प्रहरीले पद दिएर कुकुर पालेको छ । अपराध पत्ता लाउँछन्, खेलकूद गतिविधि देखाउँछन् । ती पनि कुकुर ।
* सबै चोकचोकाँ पछाडीका खुट्टाले ख्वार्र ख्वार्र पैतृक लुतो कन्याउने लुते कुकुर के हुन्छन् र? तिनका पनि कुकुरले खाई नसकिने गरी अधिकारकर्मी जम्मा भैसके ।

यत्तिका परिवर्तन हुँदा पनि पत्तै नपाउने भद्रकाली कपाली, तिमी कस्ता नेपाली ? 

सेतो अण्डा र कालो झण्डा

कुनै देशमा ब्रोइलर कुखुरा र लोकल कुखुरा सँगै बस्दथे । दुवै सँगसँगै हुर्कँदै थिए ।

लोकल कुखुराको बिहा गर्ने दिन आयो । उसका साथीहरुले एउटी तरुनी कुखुरीको फोटो देखाए । उसलाई पनि राम्रै लाग्यो । ब्रोइलरलाई त्यो फोटो देखायो । उसले विरोध गर्दै पहिलो पटक कालो झण्डा देखायो ।

---------------

लोकल कुखुराले साइत जुराएर बिहा गरे । हनिमुन गए । बाटामा ब्रोइलरले कालो झण्डा देखायो । केही समयपछि कुखुरीले अण्डा पार्न थाली । अण्डा नपार्नु भन्दै ब्रोइलरले यहाँ पनि कालो झण्डा देखायो । उसलाई लाग्थ्छ यो शान्तिपूर्ण विरोध हो । हुन पनि हो, कालो झण्डा सांकेतिक विरोध हो तर पारीसकेको अण्डा कसरी फिर्ता गर्ने हो लोकल कुखुरादम्पत्ति अचम्मित थिए । घर मालिकले अण्डा जम्मा गर्दै गर्दै डोकोमा पराल राखेर ओथार बस्ने स्थान सुरक्षित गरिदिए । कुखुरी ओथार बसी । लगभग १८-२० दिनको बीचमा सबैजसो अण्डाबाट चल्लाहरु निस्किए ।  चल्ला फिर्ता गर्नु भन्दै ब्रोइलर जताततै कालो झण्डा देखाउँदै हिँड्न थाल्यो ।

---------------

उता लोकल कुखुराका साथी ब्रोइलरलाई आफ्नो बिहे नभएकोमा अनौठो लाग्यो । ज्योतिषकोमा देखाए । ज्योतिषले न्वारानको नाम सोधे । ल्याबोरेटरीमा जन्मिएको हुनाले आफ्नो न्वारानै गर्न बाँकी रहेको उसले जनायो । उनको लिङ्गीय पहिचान सोधे । बाउआमा र उ जन्मेको देश सोधे । कतै कहिल्यै कसैले नसोधेका प्रश्न सुनेर ब्रोइलर अवाक् रह्‍यो र चुपचाप घर फिर्‍यो ।

एक दिन उ न्वारान गर्नका लागि पण्डितकोमा गयो । पण्डितले चार चार महिना बितिसक्दा पनि न्वारान नभएकोमा अब न्वारान गर्न नहुने अड्डी राखे । ब्रोइलर बिहे गर्न केटी जुराउन  थाल्यो । कुनै केटी जुरेन । केटीका घरमा जाँदा विभिन्न प्रश्नहरु सुनेर उ सँधै कालो झण्डा देखाउन माहिर भैसकेको थियो ।

---------------

निकै दिनदेखि ब्रोइलर कुखुरा हराएकोमा मालिक रिसाइरहेका थिए । रिसाएकै मालिकका अगाडी उसले विरोध स्वरुप कालो झण्डा देखायो । मालिक झनै रिसाए । उसलाई थुनिदिए र टोलभरी डुङ्गडुङ्ती गन्हाउने गरी खाना, दाना, नाना, पानी सबैको व्यवस्था गरेर थुनेर राखिदिए । एकै ठाउँमा कुँजिनु परेकोमा ब्रोइलर दिनदिनै बुढो देखिन थाल्यो । ब्रोइलर

लोकल कुखुरा भन्थ्योः भाला, खुकुरी, बम बारुद र टायर जलाएर गरिने आन्दोलनभन्दा कैयन गुणा स्वच्छ आन्दोलन हो कालो झण्डा प्रदर्शन । लोकल कुखुरा अझै सम्झाउँथ्योः कस्तो अवस्थामा कालो झण्डा प्रदर्शन गर्ने भन्ने बुझेर मात्र गर्नुपर्छ । प्राकृतिक र सामाजिक अनी आफ्नो भूमण्डलकै विरोध जनाउने गरी कालो झण्डा प्रदर्शन गर्नु हुन्न भन्ने उपदेश दिन्थ्यो ।

---------------

किन चाउरिस मरिच् आफ्नै पिरोले भनेझैं लोकल कुखुराका सेतो अण्डा र त्यसबाट चल्ला कोरल्ने चाहना दिनदिनै चाउरिँदै गएको थियो । अब जीवनको अन्तिम समयमा उसको क्लोनिङ गराएर अरु कुखुराहरु उत्पादन गराइन थालियो । त्यसपछि ब्रोइलर कुखुराको आयू ४५ दिन र लोकल कुखुराको आयु त्यसको दश गुणा अर्थात् ४५० दिन हुन थाल्यो भन्ने भनाई छ ।

पशुपति शर्मा विवादमा

पशुपति शर्मालाई 'लुट्न सके
लुट' गीतले विवादित बनाइएको छ । केही दलका भातृ संगठनले गीतको चर्को आलोचना गरेका छन् । आफैँले अपलोड गरेको गीत भने हटाइसकेका छन् । आलोचना गर्नेहरूप्रति यस सम्बन्धमा केही प्रश्नहरू राख्न चाहन्छु ।
१. Vten का 'चुरोट' र Okharz का 'गाँजा' गीत तपाईँका बालबालिकाले गाइदेओस् भन्ने लाग्छ?
२. लुट फिल्म नेपालमा नयाँ ट्रेण्ड ल्याउने फिल्म बन्यो, यसको सन्देश के हो? (पशुपतिकै गीतझैँ हो यो, यस्तै हुँदैछ भन्ने देखाइएको होइन र?)
३. अर्चना पनेरूहरू पत्रिकाका खुराक बनिरहेछन्, सभ्य समाज निर्माणको गति यै हो?
४. एनसेल, वाइडबडी, निर्मला काण्ड, राजनारायण, सुनकाण्ड आदिका विषय गरमागरम भैराखेका बेला व्यंग्य र बेथितिलाई रोक्न शंखघोष गरेका हुन् शर्माले ।
५. चुनाव र राजनीतिक दलका शीर्षगीतहरू गायकलाई गाउन नदिएर कार्यकर्ता र नेताले पो गाउँने हो कि?
६. मह, किरण-राजाराम, दीपक-दीपा, जितु, दमन, धुर्मुश-सुन्तली, सुबोध आदि हास्यव्यंग्य श्रष्टासहित  वात्स्यायन, राजेश केसी, वासु क्षितिज, अविन आदिलाई पनि बहिष्कार गर्ने पो हो कि!
७. मलाई अमेरिका यहीँ गाउँदा वाहवाही पाएका पशुपतिलाई सम्झने हो भने उनी राजनीतिक दल र सबै सरकारबाट निराश पारिएका किसानलाई सम्झेर गाएको कुरा किन बिर्सने?
८. तथ्यगत समस्यामाथि कहिल्यै नबोल्ने, तोडफोड, उद्दण्ड, बन्द, हड्ताल, आ-आफ्ना सरकारको लोलोपोतो गाउँदैमा समय बिताउने जैरेहरू चोरको खुट्टो काट् भन्दा खुट्टो उचाल्नु नेपालमा नयाँ हो र?
९. प्रेम बानियाँलाई लखेटियो, रवि लामिछानेलाई नङ्ग्याउन खोजियो, दल र यिनका पिछलग्गुहरूको पञ्चायती पारा अझै नजाँदा हाम्ले परिवर्तनको महशुस कहिले गर्ने?
१०. आफ्नो हैसियत बिर्सिएर एउटा कलाकारसँग कतिको थुरथुर भएका?
११. अश्लिल गीत र समाज तथा नैतिकता विरोधी गीत गाउँदा चुप बस्ने बिग्रेको राजनीति प्रष्ट्याउँदा नाङ्गै हुन लाग्यौँ भनि डराउने?
१२. अन्त्यमा,
चुरोटको गोलोगोलो धुवाँ, गाँजा खाने दिन गए, ट्याब 'हान्छु' जस्ता गीत बजिरहँदा स्कूले भाइबहिनीमाथि परेको मानसिक असर नदेख्दा पशुपतिलाईचाहिँ शत्रु नै लागेको हो भन्न पाइने कारण नपाइने?
यसो भनिराख्दा जातियता हावी भयो भन्ने आरोप पनि लाग्न सक्छ, यो नेपाल हो, यहाँ जतिखेर जे पनि हुन सक्छ । जनतासामू निर्लज्ज भैराख्दा जो भाको साख पनि गुम्ला होश गरेकै राम्रो ।
#पशुपति_शर्मा #pashupati_Sharma
भिडियोकालागि यहाँ क्लिक गर्नुहोस् ।