आमा चैं छे कोदो खाने‚ छोरी चिकेनचिल्ली‚
सुपारी नि माग्छ बाउ‚ छोरो तान्ने खिल्ली ।
ऋण गरेरै भए पनि मोटर बाइक चढ्ने‚
क्याल्सियम नि कति खान्छन् हप्तैपिच्छे बढ्ने ।
घर फर्कँदा गल्लीपिच्छे पटक पटक लड्ने‚
गाँजा र चिलिममा झ्याप छन् केको क्याम्पस पढ्ने ?
केटी बोक्यो पछाडिमा‚ हाँक्यो आँखा चिम्ली‚
दुई जिउ एकै पारी कस्छे पिंकी‚ कम्ली ।
पच्चिस हातको बाटोमा बाइकको लर्को‚
चालकलाई प्रेसर हाई‚ चढ्नेलाई झन् चर्को ।
बिहे हुनुअघि मोरी भन्छे मेरो बाबा‚
खल्ति काट्यो बाउचैंको भयो हावाकावा ।
मोतिले भाषा सपारे‚ भानुले खनाए कुवा‚
मति पनि के लाग्यो हौ कठै होनहार युवा ।
चार कक्षामा पढ्ने केटो आठ कक्षाकीलाई लाइन मार्छ‚
भ्यालेन्टाइनमा चुम्मा गर्दै चिलाउने लुतो सार्छ ।
च्यात्छ पाइन्ट‚ उधार्छ जुत्ता‚ गन्हाउँदो मोजामोजी‚
सिलाउँछ झोलाभन्दा ठूलो भुत्ते गोजी ।
छोटो बाटो बाइक मागी मागी चढ्नुपर्ने‚
ट्राफिक जाम छ पच्चिस मिनेट तै नि चढ्नुपर्ने ।
जसको छैन लाइसेन्स उही १२० मा चलाउँछ‚
जुन गोरुको सिङ छैन‚ उसको विस्तारै पलाउँछ ।
सुपारी नि माग्छ बाउ‚ छोरो तान्ने खिल्ली ।
ऋण गरेरै भए पनि मोटर बाइक चढ्ने‚
क्याल्सियम नि कति खान्छन् हप्तैपिच्छे बढ्ने ।
घर फर्कँदा गल्लीपिच्छे पटक पटक लड्ने‚
गाँजा र चिलिममा झ्याप छन् केको क्याम्पस पढ्ने ?
केटी बोक्यो पछाडिमा‚ हाँक्यो आँखा चिम्ली‚
दुई जिउ एकै पारी कस्छे पिंकी‚ कम्ली ।
पच्चिस हातको बाटोमा बाइकको लर्को‚
चालकलाई प्रेसर हाई‚ चढ्नेलाई झन् चर्को ।
बिहे हुनुअघि मोरी भन्छे मेरो बाबा‚
खल्ति काट्यो बाउचैंको भयो हावाकावा ।
मोतिले भाषा सपारे‚ भानुले खनाए कुवा‚
मति पनि के लाग्यो हौ कठै होनहार युवा ।
चार कक्षामा पढ्ने केटो आठ कक्षाकीलाई लाइन मार्छ‚
भ्यालेन्टाइनमा चुम्मा गर्दै चिलाउने लुतो सार्छ ।
च्यात्छ पाइन्ट‚ उधार्छ जुत्ता‚ गन्हाउँदो मोजामोजी‚
सिलाउँछ झोलाभन्दा ठूलो भुत्ते गोजी ।
छोटो बाटो बाइक मागी मागी चढ्नुपर्ने‚
ट्राफिक जाम छ पच्चिस मिनेट तै नि चढ्नुपर्ने ।
जसको छैन लाइसेन्स उही १२० मा चलाउँछ‚
जुन गोरुको सिङ छैन‚ उसको विस्तारै पलाउँछ ।
No comments:
Post a Comment
तपाईँलाई यो सामग्री कस्तो लाग्यो ? कृपया कमेन्ट गर्नुहोस् ।