गजल !

-संप्रस पौडेल 'दिवस'

भत्काउनेलाई रोजी रोजी घर नदेउ आमा

सताउनेलाई खोजी खोजी भर नदेउ आमा ।

समस्याले तड्पिदामा व्याज बढाएर

कानून देखाई लुट्नेलाई कर नदेउ आमा ।

तिम्रो झुप्रो जलाउनेलाई खर नदेउ आमा

पानी पनि बार्नेहरुलाई तर नदेउ आमा ।

बूजी आयो‚ गुजी आयो नजाउ नानी भन्दै

जोगाउन अँध्यारोमा डर नदेउ आमा ।

ढुंगा पकाइ खिचडीको बास्ना छर्नेहरुलाई

तिम्रा हातले पकाएको दर नदेउ आमा ।

२०६९ फागुन २

(रहर छ‚ ज्ञान छैन गजलको

हुने हो कि हर शेर पजलको)